Арктичките звуци на Geir Jensen aka Biosphere

Сместен во северниот дел од Норвешка, во областа Тромс, градот Тромсо е распространет на неколку острови меѓусебно поврзани со мостови и тунели и населен со околку 70 000 жители. Голфската струја која поминува помеѓу островите го чини Тромсо град со поумерена клима за разлика од онаа во останатиот дел на таа област. Но, покрај субарктичката клима, во Тромсо можете да го доживеете и феноменот на “полноќно сонце” и “северна светлост” кои можеби претставуваат и инспирација за некој од следниве артисти и продуценти кои доаѓаат од тој град.

biosphereЕден од нив, како предводник е Geir Jenssen познат и под продуцентското име Biosphere. Неговиот звук претставува мешавина на неколку стилови, ambiental-techno-minimal, кои меѓусебно се преплетуваат и надополнуваат на крајот создавајќи хармонично-ритмичен звук, препознатлив како “арктички звук”, понекогаш исполнет со мистична меланхолија. Инспириран од бендови како Depeche mode, Brian Eno, New order, и др. својата музичка кариера ја започнува во 1980 година, под името “Bleep” и издава неколку синглови, а првиот и воедно последен албум “The north pole by submarine” го издава во 1990 година, за белгијската издавачка куќа SSR Records. Во 1991 година, под ново име како “Biosphere”, го издава првиот албум – “Microgravity”. Издавачката куќа SSR мислејќи дека е безвреден  одбива да го издаде, но албумот го издава норвешката издавачка куќа “Orgio sound”.

Во 1994, го издава албумот – “Patashik” кој воедно му носи голем број интернационална публика и препознатливост. Следуваат албумите: : ‘Substrata’ во 1997,  за ‘All Saints records’ кој претставува еден од најдобрите амбиентални; Cirque(2000), Shenzhou(2002), Autor de la lune (2004), Dropsonde(2006). Вo 2009, го издава и неговиот прв live/album Wireless: Live at the Arnolfini, Bristol.

Како продуцент соработувал со различни  артисти, а неговата музика е составен дел од неколку филмски остврарувања како Eternal stars i Insomnia.  Една интересна соработка се случува за време на ‘Tromso International Film Festival’, кога фестивалската комисија им дава овластување заедно со уште еден продуцент од истиот град – ‘Mental Overdrive’ да направат тонски запис за филмот ‘Man with a movie camera’ на култниот руски режисер Dziga Vertov.  Првата проекција на филмот со нов тонски запис и live настап се случи во Тромо во 1996, по што следуваа и уште неколку проекции низ Норвешка и Франција.

Линкови:

http://vimeo.com/biophon

http://www.discogs.com/artist/Biosphere

Со уште еден продуцент и жител од Tromso ќе ве запознаеме во деновиве што доаѓаат. Дотогаш ве поздравуваме и се надеваме дека уживате во звуците на Jannsen.